MASTER! MASTER! Tá Metallica í 1986 útgav Master of Puppets, broyttist metal heimurin. Og leygarkvøldið 14. november kanst tú hoyra plátuna spælda live frá enda í annan. Hoyr løg sum Battery, Orion og sjálvandi eisini Master of Puppets.

Seinni partur av konsertini verður ein ferð gjøgnum tey tyngstu hittini hjá Metallica, har áhoyrarnir kunnu skrála við.

Exit Light eru vorðnir kendir fyri at levera orkuríkar liveframførslur, síðani teir í 2021 framførdu the Black Album í síni heild. Perlan hevur avmarkað pláss, og tí ræður um at smekka til beinanvegin!