Kuffertið er pakkað, hárið er krúllað, gittarin er stemmaður og Jensina gleðir seg sera nógv til at spæla fyri øllum børnunum.

Hon fer at syngja sangin um Loyniligu Loynihurðina, Kiskuna hjá Kissa, Bamsuna, Hokus Pokus Filip Tomm, eina bláa tá, Blómubilin og annars tríva í fleiri herligar sangir hjá sær og øðrum.

Fer hon kanska at hava onkra nýggjan sang við sær? Tað er ikki gott at vita, men kenna vit Jensinu rætt, fara vit heilt vist at hugna okkum, syngja, flenna, dansa, roksa eitt sindur og finna uppá stuttlig ting, so vit verða púra djassifiseraði!!

Jensina gleðir seg í øllum førum, og við sær hevur hon Ingmar Berg Mikkelsen.