Frá skrivstovum til bústaðir" verður hildið fyri at varpa ljós á ein av mest álvarsomu samfelagstrupulleikunum í Føroyum í dag: at ung, serliga lesandi, hava ov trupult við at finna ein hóskandi og bíligan bústað. Hetta er ikki bert ein praktisk avbjóðing, men eisini ein demokratiskur og sosialur trupulleiki. Tí tá ið ung ikki hava ein bústað, forðar tað fyri útbúgving, trivnaði og lívsmøguleikum i Føroyum.

Endamálið við tiltakinum er: At varpa ljós á støðuna hjá ungum og lesandi á bústaðarmarknaðinum í Føroyum. At leggja fram eitt ítøkiligt uppskot: at gera bygningin í Eirargarði um til umleið 50 lestraríbúðir. At skapa kjak millum ung, politikarar og fakfólk um, hvussu vit kunnu loysa bústaðartrupulleikarnar og tryggja fjølbroyttar og haldførar bústaðarmøguleikar í Føroyum, so ung kunnu trívast og virka her.

Skrá:
• Framløga: Frá bygningi til bústað (15 min) Vit byrja við einari visuellari framløgu av verkætlanini – myndir, hugsjón og ítøkiligar ætlanir fyri, hvussu Eiragarður kann gerast eitt nýtt heim fyri 50 einstaklingar ella familjur. Hvat kostar tað? Hvussu nógv pláss fæst burturúr? Og hvør fær búð har? Bústaðir greiður frá verkætlanini

• Sofaprat: Eitt heim í Føroyum (45-55 min) Í sofaprátinum møta vit trimum persónum, sum hvør á sín hátt lýsa bústaðartrupulleikan og týdningin av haldgóðum loysnum:

• Margit Stórá, landsstýriskvinna, greiðir frá, hví hon heldur, at Eiragarður eigur at gerast eitt bústaðarprosjekt, og hvussu umsitingin samstundis kann flytast í eitt hóskandi høli.

• Heri á Rógvu, rithøvundur og samfelagsfrøðingur, speglar støðuna í dag við bakgrund í bókini Exit Føroyar og spyr: Hvat eru orsøkirnar til, at ung fólk flyta úr Føroyum?

• Ein ungur lesandi úr Ráð teirra lesandi greiðir frá, hvussu torført tað er at finna bústað sum lesandi, og hvussu tað ávirkar lestrarlív og lívsmøguleikar. Pausa (15 min)

Palsborðkjak: Hvar skulu vit búgva? (45–55 min) Ungdómspolitikarar úr ymsum flokkum hittast til eitt livandi kjak um bústaðarpolitikk, fráflyting, og hvørji atlit skulu takast til, tá vit skipa fyri einum fjølbroyttum og haldførum býi. Hvussu fáa vit fleiri og betri bústaðir til ung? Er Eiragarður eitt skynsamt dømi – ella bert ein dropi í havinum?