Við slagorðunum: ”Nú eru tey okkara løg!”, gevur STONES JAM persónligar og passioneraðar Stones-upplivingar, fullar av orku og spæligleði.

Oddamaðurin Oliver Steffensen er kendur frá Freak of Nature/Mike Tramp, Spacehead og Michael Falch. Oliver syngur og spælir guitar. Hann er víðagitin fyri sítt innlivilsi, og hann brennir fyri tí hann elskar allarmest – tónleikin og sambandið við áhoyrararnar.

David Kampmann, ein av mest virdu og djúpt elskaðum gitaristum í Danmark. Áhoyrarnir hava eitt serligt samband við hann, tí sálin og hjartað fyri tónleikinum skínur altíð beinleiðis ígjøgnum.