Simona Paula - er partur av røðini "Kvinnukonsertir" og framførir einsamøll á Reinsarínum, 23. apríl, kl.20.00. 

Simona Paula (f. 1998) er ein tónlistakvinna av Strondum, sum skrivar og framførir egnar sangir. Hon byrjaði at spæla gittar sum 10 ára gomul, og skjótt gjørdist gittarin hennara amboð til at seta orð og tónar á kenslur og upplivingar. 

Í 2024 gav hon út sína debutplátu, Spegil, har sangirnir á ymiskan hátt spegla lívsroyndir, persónliga menning og tankar um bæði menniskjalig og samfelagslig viðurskiftir. Síðani tá hevur Simona Paula framhaldandi skrivað nýggjan tónleik. 

Sangirnir taka ofta støði í veruligum upplivingum og djúpum kenslum, og bera brá av einum persónligum og erligum úttrykki. Á konsertini vera bæði útgivin og óútgivin løg at hoyra, har tú fært møguleika at koma nærri at sangunum - kanska spegla tær í teimum - ella bara lurta eina løtu. 

Simona Paula Á Fríðriksmørk - sang og gittar 

Tiltakið er stuðlað av Økistónum.