Í februar verður aftur stand up á Reinsarínum. Hesaferð verður Sjúrður Skaale einsamallur á pallinum. Tað verða also IKKI Kári Cool, Símin Tindfjall, Esmar Eysturoy, Haraldur, gjeikarin Kjartan ella nakar av teimum. Tað verður bara Sjúrður, sum fer at siga merkiligar, pínligar, hugvekjandi og intimar søgur úr sínum lívi. Søgur, sum bara hava tað til felags, at tær eru stuttligar og sannar (ið hvussu er næstan sannar). Onkra hevur hann fortalt fyrr við okkurt høvi – tær flestu ongantíð.

Sýningarnar eru fyri vaksin.