So bjóða vit aftur til open mic. Eitt kvøld, har nýggj og roynd listafólk sleppa framat, og har alt kann henda. Tónleikur, yrkingar, stand-up ella okkurt heilt annað. Tað einasta, sum krevst, er dirvi at stíga fram. Og tað er onki krav, at tú skal upp á pallin. Tú ert eisini hjartaliga vælkomin framvið at lurta og njóta sum áskoðari.

Vertir fyri kvøldinum eru Anna og Arnold, sum syrgja fyri góðum stemningi og einum tryggum umhvørvi.

NETTUP er ein tónleikaverkætlan hjá Lazar Ilic og Balduri Holm. Við rappi, elektroniskum ljóðum og eksperimenterandi framleiðslu skapa teir sítt heilt egna ljóð.

Tú hoyrir íblástur frá klanginum hjá Benal, men eisini úr harmonisku og melodisku verkunum hjá Billie Eilish. NETTUP hevur tó sítt heilt egna úttrykk. Í miðdeplinum standa tekstirnir og boðskapurin hjá Lazar Ilic, meðan Baldur Holm syrgir fyri tungu, sýruttu og melodisku rútmunum, sum eyðkenna ljóðið hjá bólkinum.

NETTUP er ein ung og spennandi verkætlan, sum torir at ganga sína egnu leið og bjóða áhoyraranum inn í eitt univers, har orð, kenslur og elektronikkur renna saman.

Limir:
Lazar Ilic – vokal
Baldur Holm – elektronikkur

Praktiskt:
Innskriving: kl. 19.30
NETTUP á pall: kl. 20.00
Stað: Reinsaríið
Atgongd: Ókeypis

Tiltakið er stuðlað av Mentamálaráðnum.

‍