Tað myndaliga og tað abstrakta í Perluni á Mentanarnáttini

Finleif Mortensen er eitt av hesum listafólkunum, ið næstan hevur vakt størri ans uttanfyri Føroyar enn heima. Hóast hann fyllir 60 ár í ár, so er tað enn ein listamaður í menning, sum vitjar í Perluni á Mentanarnáttini.

Støðugt mennist hansara listarliga úttrykk, og støðugt verður skift millum tað abstrakta og tað myndaliga. Sum Tom Jørgensen, blaðstjóri á Kunstavisen skrivaði herfyri:

"Det er denne vekselvirkning mellem det figurative og det abstrakte og mellem det konstruktive og det organiske, der gør, at det er en fornøjelse at gå på opdagelse i Finleif Mortensens malerier. Det er billeder fulde af liv, lys og farve og musik. Billeder, der viser en kunstner på toppen af sin karriere i det år, han fylder 60."

Framsýningin letur upp Mentanarnáttina, fríggjadagin 6. juni kl. 16-23 og hevur opið 7. - 10. juni kl. 14-19.

‍